Хитой соғлиқни сақлаш миллий комиссияси маълумотларига кўра, мамлакатда коронавирусни юқтирганлар сони 80 881 нафарни ташкил этмоқда.
Бутун дунёда касалланганлар сони эса 179 минг нафарга етган.
Жаҳон соғлиқни сақлаш ташкилоти маълумотларига кўра, 16 март, душанба куни, Хитой ташқарисида 86 434 та коронавирусни юқтириш ҳолати аниқланган. Дунё бўйлаб ўтган сутка ичида вирусни юқтириш билан боғлиқ 13 874 янги ҳолат қайд этилган.
Хитой ташқарисида коронавирусдан ўлганлар сони 3388 нафарни ташкил этди. Бутун дунёда ушбу касалликдан 7721 киши вафот этган.
Мавзуга доир: ЖССТ: Бир суткада дунё бўйича коронавирус билан касалланганлар сони салкам 14 мингтага кўпайди
Ўзбекистонда коронавирус инфекциясига чалиниш билан боғлиқ илк ҳолат 15 март куни тонг соат 6:00 да тасдиқланган эди. Биринчи бемор 11 март куни Франциядан қайтган аёл бўлди. Кейинчалик унинг ўғли, қизи, турмуш ўртоғи, невараси ва яна бир қариндошида ҳам коронавирус инфекцияси аниқлангани маълум қилинди.
Бундан ташқари, 15 март куни тонгда Истанбулдан учиб келган ўзбекистонлик эркакда, шунингдек, 14 март куни тонгда Лондондан учиб келган Ўзбекистон фуқаросида ҳам коронавирус аниқланган. Соғлиқни сақлаш вазирининг маълум қилишича, 16 март ҳолати бўйича 5,6 мингдан ортиқ одам карантинга олинган.
Изоҳ (0)