АҚШда коронавирусга қарши вакцинани клиник синовдан ўтказиш ишлари бошланди. Бу ҳақда Associated Press хабар қилган.
Тадқиқотлар Вашингтон штатининг Сиэтл шаҳридаги Саломатлик тадқиқотлар институтида олиб борилмоқда. Синовларда 45 нафар кўнгилли фуқаро иштирок этмоқда, уларга шу кунларда битта ва бир ойдан кейин иккинчи вакцина дозалари юборилади.
Вакцина Moderna компанияси томонидан Саломатлик тадқиқотлар институти билан ҳамкорликда ишлаб чиқилган.
AP агентлигининг қайд этишича, тадқиқот муваффақиятли якунланган тақдирда ҳам вакцинанинг бозорга чиқарилишига камида бир йил вақт талаб этилади.
Мавзуга доир:
Аввал Франциядаги таниқли брендларнинг атир ишлаб чиқарувчи заводлари бепул қўлни дезинфекцияловчи воситаларни ишлаб чиқаришни йўлга қўйгани, Буюк Британияда коронавирус вакцинаси тажрибасида қатнашадиганларга катта пул ваъда қилингани ҳақида хабарлар берилган.
Изоҳ (0)