Бутун дунё бўйлаб коронавирус билан касалланганлар сони 128 минг кишидан ошиб кетди. Улардан 68 мингдан ортиғи даволанишга муваффақ бўлди, 4270 нафари вафот этган. Бу ҳақда дунё бўйлаб коронавирус ҳақида маълумотларни йиғаётган Жон Ҳопкинс университети хабар берди.
Вируснинг энг йирик ўчоқлари Хитой (81 минг), Италия (12,4 минг), Эрон (10 минг), Жанубий Корея (7,8 минг), Франция, Испания ва Германия (2 мингга яқин) ҳамда АҚШ (987 нафар бемор) давлатлари бўлмоқда.
Жаҳон соғлиқни сақлаш ташилотининг 12 март ҳолати бўйича эълон қилган маълумотларига кўра, ўтган бир сутка давомида Хитойда 26 кишида коронавирус аниқланган. Италияда эса 2313 кишида (вафот этганлар сони мингдан ошиб кетди), Эронда — 968, Жанубий Кореяда — 114, Испанияда — 501, Францияда — 495, Германияда — 271, АҚШда эса 291 нафар бемор аниқланган.
Бундан ташқари, ЖССТ маълумотларига кўра ўтган бир сутка ичида коронавирус яна тўртта давлат ва ҳудудларда қайд этилган: Француз Полинезияси, Туркия, Гондурас ва Кот-д’Ивуар.
Мавзуга доир:
Изоҳ (0)