Американинг асосий индекслари Нью-Йорк фонд биржаларидаги 12 март кунги савдо натижаларига кўра деярли 10 фоизга тушиб кетди, деб хабар беради «РБК».
Dow Jones саноат индекси 2352,60 пункт пастлаб, 9,99 фоизга тушиб кетган. S&P 500 индекс кўрсаткичлари эса 260,74 пункт пастлаган (- 9,51 фоиз), Nasdaq индекси эса 770,25 пунктга (- 9,43 фоиз)га тушиб кетган.
CNBC телеканалининг таъкидлашича, бу 1987 йилдан буён кузатилган энг йирик пасайиш. Ўшанда Dow Jones кўрсаткичлари «қора душанба»да 22,61 фоизга тушиб кетиб, ўз тарихидаги энг паст натижани қайд этган.
Шу билан бирга, SVOE Volatility Index’и («қўрқув индекси») 13 март куни 75,47 пунт юқорилаб, 40 фоизга ўсган. Bloomberg’нинг ёзишича, ўтган куни ушбу индекс 2008 йилги иқтисодий инқирозлар вақтидан буён энг юқори кўрсаткични намоён этиб, 66 пункт юқорилаган (12 йил олдин 59 пунктга кўтарилган эди).
Тахминларга кўра, коронавирус билан боғлиқ вазият яхшилангач, SVOE индекси қандай тез кўтарилган бўлса, шундай тушиб кетади.
Мавзуга доир:
Изоҳ (0)