Янги йил таътилидан сўнг бошланган биринчи биржа савдолари коронавирус тарқалгани шароитида 8 фоизлик қулаш билан очилди, деб хабар бермоқда «РИА Новости».
Орадаги танаффус 23 январдан бошланди ва бу вақт давомида коронавирус билан касалланганлар сони 30 баравар, вафот этганлар сони эса 20 бараварга ошди.
Қайд этилишича, Шанхайнинг асосий фонд биржаси Shanghai Composite 8,7 фоизга — 2 736,28 пунктгача тушиб кетди, Шинжоннинг Shenzhen Component фонд биржаси эса 8,54 фоизга — 9 769,91 пунктга тушди.
Бунда Гонконг асосий фонд биржаси Hang Seng 0,44 фоизга — 26 428,05 пунктгача ўсди.
Хитойнинг Тараққиёт ва ислоҳотлар давлат қўмитасида юқумли касалликнинг тарқалиши миллий иқтисодиётга салбий таъсир кўрсатаётгани тан олинган. Шу билан бирга, қўмита унинг таъсири қисқа муддатли бўлишига ва Пекин унинг оқибатларини минималлаштиришига ишонч билдирган.
Изоҳ (0)