2019-nCoV типидаги коронавируснинг тарқалиши Хитойда нефтга бўлган талабнинг кескин пасайишига олиб келди, деб ёзади «РБК».
Хитойда кундалик нефть истеъмоли тахминан 3 миллион баррелга, яъни 20 фоизга камайди.
Эрон нефть вазирлиги раҳбари Бижан Намдар Зангане коронавируснинг жаҳон нефть бозорига таъсири ҳақида гапирди.
Вазирнинг сўзларига кўра, айрим ҳолларда инфекциянинг тарқалиши бир қатор ишлаб чиқариш объектлари ишини ва транспорт ташувларининг тўхтатилишига олиб келди, бу эса нефтга бўлган талабни пасайтирди.
Занганенинг таъкидлашича, таъминотни сақлаб қолиш шароитида талабнинг пасайиши ҳар доим нефть нархининг тушишига олиб келади.
«Нефть бозори босим остида, нархлар бир баррель учун 5 доллардан тушиб кетди, вазиятни мувофиқлаштириш учун ҳаракат қилиш керак», — дейди Зангане.
Аввалроқ Хитой коронавирус туфайли иқтисодиётга 173 миллиард долларлик ликвидлик киритиши ҳақида хабар берилган эди.
Изоҳ (0)