Хитой Марказий банки коронавируснинг тарқалишидан зарар кўрган мамлакат иқтисодиётини қўллаб-қувватламоқчи, деб хабар бермоқда «Korrespondent.net». 3 февраль куниёқ бозорларга 1,3 триллион юан (173 миллиард доллардан ортиқ) миқдоридаги ликвидлик чиқарилади.
Қайд этилишича, шундан кейин банк тизимидаги умумий ликвидлик 2019 йилнинг шу даврига нисбатан 900 миллиард юанга ошади.
«Коммерсантъ»нинг ёзишича, компанияларни қўллаб-қувватлаш учун Марказий банк, шунингдек, кредитлаш ставкасини пасайтиришни ҳам кўриб чиқмоқда. Бунда мутахассисларнинг фикрича, Хитой компаниялари акциялари яқинда яна пасайиши мумкин.
Яқинда ОАВларда Хитой коронавирус эпидемияси сабабли 60 миллиард доллар йўқотиши мумкинлиги айтилган. Бунда Пекин иқтисодиётда дарча пайдо бўлмасидан олдин вирусни бор кучи билан тўхтатишга ҳаракат қилмоқда.
Moody’s Analytics компаниясида айтилишича, коронавирус 2019-nCoV жаҳон бозорига 2008—2009 йиллардаги молиявий инқироздан ҳам кучлироқ таъсир кўрсатиши мумкин.
Изоҳ (0)