Кеча, 29 январь куни, ОАКАнинг кенгайтирилган мажлисида ташкилот раҳбари Комил Алламжонов ва унинг ўринбосари Саида Мирзиёева агентликни тарк этиши эълон қилинди. Директор вазифасини бажарувчи этиб Дилшод Саиджонов тайинланди.
Мавзуга доир: Саида Мирзиёева АОКАдаги фаолияти ҳаётидаги энг бахтли даврлардан бири бўлганини билдирди
Тўғри, танқидлар ҳам тўхтамади: Алламжонов энг муаммоли ўринларда блогерларни ҳимоя қилмагани, қуруқ баёнотлар билан чеклангани, фақат тор доирадаги блогерлар билан ишлаб, ўнлаб «норасмий» блогерларнинг фикрини инобатга олмагани кўп бора айтилди. Ҳатто «сарой блогерлари» тушунчаси пайдо бўлди.
АОКА бу даврда амалга оширган яна бир иш давлат ташкилотларининг мунтазам матбуот анжуманларини йўлга қўйгани бўлди. Илгари жамоатчилик билан деярли алоқа қилмаган кўплаб тузилмалар анжуманлар уюштириб, журналистларнинг саволларига жавоб беришга мажбур бўлди.
Ниҳоят АОКА матбуот хизматларининг мавқейини оширишга ҳаракат қилди. Матбуот котиблари раҳбар ўринбосарлари даражасига кўтарилди, уларга молиявий имтиёзлар берилди. Аммо бу ташаббус охирига етмай туриб, АОКА раҳбарияти ўзгарди.
Шундай қилиб, Комил Алламжонов АОКА раҳбари сифатида кўп танқид эшитди, айни пайтда бир гуруҳ блогерлар ва журналистлар билан фаол ишлади, медиа соҳасида маълум ўзгаришлар қилишга уринди. Унинг фаолиятидан таассурот турлича бўлгани боис ижтимоий тармоқлар реакцияси ҳам ҳар хил бўлди: кимлардир Алламжоновни сўз эркинлиги ривожланиши гаранти деб ҳисоблаб, унинг ишлари охирига етмай қолганидан ачинган бўлса, яна кимлардир ҳазил-мутойибага урғу берди.
Кимлардир бу ҳодисани янги очилган фонд фаолияти билан боғласа, бошқалар Алламжонов Facebook-саҳифасида эълон қилган «оловлар ичида қолган бир дона кабоб» сўзларини эслади. У Президент матбуот котиблигидан бўшаганида кабоб расмини жойлаштириб, қуйидаги шеърдан иқтибос келтирганди.
Баъзи каналлар кабоб воқеасини эсга олди.
«Капгир» канали улашган мемда кабоблар сони иккитага етди.
Блогер Нуржаҳон Фармонов Telegram-каналида Алламжонов ва Мирзиёева янги ташкил этган фондга ишга ўтиши мумкинлигини тахмин қилади.
Қуйидаги пост муаллифи яна кабоб масаласини кўтаради.
Навбатдаги пост муаллифи блогер ва журналистларни юмшоққина қилиб «смурфчалар» дея атайди.
Навбатдаги пост эгаси Алламжонов Жаҳонгир Отажонов ижодига билдирган муносабатига ишора қилаётган кўринади.
Барчага таниш блогер Нурбек Алимов Twitter’даги саҳифасида ҳазиломуз матн жойлади.
Twitter’дан бошқа фикрлар.
Кўриб турганингиздек, фикрлар ҳар хил: танқидларам, мақтовларам бор. Таъкидлаш керак, Комил Алламжонов ва Саида Мирзиёева АОКА ва журналистлар билан ижобий кайфиятда хайрлашди.
Изоҳ (0)