Kecha, 29-yanvar kuni, OAKAning kengaytirilgan majlisida tashkilot rahbari Komil Allamjonov va uning o‘rinbosari Saida Mirziyoyeva agentlikni tark etishi e’lon qilindi. Direktor vazifasini bajaruvchi etib Dilshod Saidjonov tayinlandi.
Mavzuga doir: Saida Mirziyoyeva AOKAdagi faoliyati hayotidagi eng baxtli davrlardan biri bo‘lganini bildirdi
To‘g‘ri, tanqidlar ham to‘xtamadi: Allamjonov eng muammoli o‘rinlarda blogerlarni himoya qilmagani, quruq bayonotlar bilan cheklangani, faqat tor doiradagi blogerlar bilan ishlab, o‘nlab “norasmiy” blogerlarning fikrini inobatga olmagani ko‘p bora aytildi. Hatto “saroy blogerlari” tushunchasi paydo bo‘ldi.
AOKA bu davrda amalga oshirgan yana bir ish davlat tashkilotlarining muntazam matbuot anjumanlarini yo‘lga qo‘ygani bo‘ldi. Ilgari jamoatchilik bilan deyarli aloqa qilmagan ko‘plab tuzilmalar anjumanlar uyushtirib, jurnalistlarning savollariga javob berishga majbur bo‘ldi.
Nihoyat AOKA matbuot xizmatlarining mavqeyini oshirishga harakat qildi. Matbuot kotiblari rahbar o‘rinbosarlari darajasiga ko‘tarildi, ularga moliyaviy imtiyozlar berildi. Ammo bu tashabbus oxiriga yetmay turib, AOKA rahbariyati o‘zgardi.
Shunday qilib, Komil Allamjonov AOKA rahbari sifatida ko‘p tanqid eshitdi, ayni paytda bir guruh blogerlar va jurnalistlar bilan faol ishladi, media sohasida ma’lum o‘zgarishlar qilishga urindi. Uning faoliyatidan taassurot turlicha bo‘lgani bois ijtimoiy tarmoqlar reaksiyasi ham har xil bo‘ldi: kimlardir Allamjonovni so‘z erkinligi rivojlanishi garanti deb hisoblab, uning ishlari oxiriga yetmay qolganidan achingan bo‘lsa, yana kimlardir hazil-mutoyibaga urg‘u berdi.
Kimlardir bu hodisani yangi ochilgan fond faoliyati bilan bog‘lasa, boshqalar Allamjonov Facebook-sahifasida e’lon qilgan “olovlar ichida qolgan bir dona kabob” so‘zlarini esladi. U Prezident matbuot kotibligidan bo‘shaganida kabob rasmini joylashtirib, quyidagi she’rdan iqtibos keltirgandi.
Ba’zi kanallar kabob voqeasini esga oldi.
“Kapgir” kanali ulashgan memda kaboblar soni ikkitaga yetdi.
Bloger Nurjahon Farmonov Telegram-kanalida Allamjonov va Mirziyoyeva yangi tashkil etgan fondga ishga o‘tishi mumkinligini taxmin qiladi.
Quyidagi post muallifi yana kabob masalasini ko‘taradi.
Navbatdagi post muallifi bloger va jurnalistlarni yumshoqqina qilib “smurfchalar” deya ataydi.
Navbatdagi post egasi Allamjonov Jahongir Otajonov ijodiga bildirgan munosabatiga ishora qilayotgan ko‘rinadi.
Barchaga tanish bloger Nurbek Alimov Twitter’dagi sahifasida hazilomuz matn joyladi.
Twitter’dan boshqa fikrlar.
Ko‘rib turganingizdek, fikrlar har xil: tanqidlaram, maqtovlaram bor. Ta’kidlash kerak, Komil Allamjonov va Saida Mirziyoyeva AOKA va jurnalistlar bilan ijobiy kayfiyatda xayrlashdi.
Izoh (0)