АҚШ Мудофаа вазирлиги Эрон томонидан Американинг Ироқдаги ҳарбий базасига уюштирилган ҳужум оқибатида 11 нафар америкалик ҳарбий хизматчи жароҳат олганини тан олди, деб хабар беради Reuters.
АҚШ Марказий қўмондонлиги вакили Билл Урганнинг айтишича, «Ал-Асад» авиабазасига уюштирилган ҳужум оқибатида жароҳат олган аскарларнинг айримларига мия чайқалиши ташхиси қўйилган. Жароҳат олганларнинг бир қисми Германия ва Кувайтга қўшимча текширув ўтказиш учун юборилган. Кейинроқ уларнинг барчаси Ироққа қайтади.
Даставвал АҚШ ҳукумати 8 январь кечаси уюштирилган ҳужум оқибатида ҳеч ким жароҳат олмагани ва ҳалок бўлмаганини таъкидлаган эди.
Эслатиб ўтамиз, 8 январь куни Эрон Исломий инқилоб муҳофизлари корпуси АҚШнинг Ироқдаги иккита ҳарбий базаларига 10 дан ортиқ баллистик ракета учирган. Бунган эронлик генерал Қосим Сулаймонийнинг ўлдирилиши сабаб бўлган.
Изоҳ (0)