Канада, Швеция, Буюк Брияния, Афғонистон ва Украина ташқи ишлар вазирлари Теҳронда уриб туширилган Boeing самолётида ҳалок бўлганларнинг оиласи учун Эрондан товон пули талаб қилди, деб хабар берди Meduza.
Ушбу талаб авиаҳалокатга оид вазиятни муҳокама қилиш учун вазирлар иштирокида Лондонда бўлиб ўтган учрашув якунида билдирилган. Шунингдек, улар Эрондан «пухта, мустақил ва ошкора халқаро терговни» таъминлашни талаб қилган.
«Украина халқаро авиалиниялари»га тегишли Boeing 737-800 самолёти 8 январь тонгида Эрон ҳарбий ҳаво кучлари томонидан уриб туширилганди. Самолётда 176 киши — 82 нафар эронлик, 63 нафар канадалик, 11 нафар украин, 10 нафар швед, 4 нафар афғон, 3 нафар немис ва 3 нафар британиялик бўлган. Уларнинг барчаси ҳалок бўлган.
Изоҳ (0)