Тошкентнинг Бунёдкор шоҳ кўчасида 9 январь куни соат тахминан 23:20 да юз берган, Lacetti’да бўлган икки кишининг ўлими (улардан бири бола) ҳамда ҳайдовчи ва яна бир йўловчининг шифохонага ётқизилишига сабаб бўлган BMW’нинг ҳайдовчиси шахси аниқланди.
«У — автомобиль эгаси К.М.нинг ўғли 30 ёшли Нурбек Т. эканлиги маълум бўлди. Ҳозирги вақтда у кўлга олинди», — дейилади Тошкент шаҳар ИИББ матбуот хизмати ахборотида.
Қайд этишларича, ЙТҲ вақтида Нурбек Т. спиртли ичимлик таъсири остида бўлган, бу ҳақда наркологик экспертизанинг хулосаси бор. Қўлга олинган шахснинг юзида ЙТҲ вақтида етган ва жиддий бўлмаган тан шикастлари мавжуд.
«Суд Нурбек Т.га нисбатан қамоққа олиш эҳтиёт чорасини қўллади. Тергов давом этмоқда», —дейилади ИИББ ахборотида.
Изоҳ (0)