Toshkentning Bunyodkor shoh ko‘chasida 9-yanvar kuni soat taxminan 23:20 da yuz bergan, Lacetti’da bo‘lgan ikki kishining o‘limi (ulardan biri bola) hamda haydovchi va yana bir yo‘lovchining shifoxonaga yotqizilishiga sabab bo‘lgan BMW’ning haydovchisi shaxsi aniqlandi.
“U — avtomobil egasi K.M.ning o‘g‘li 30 yoshli Nurbek T. ekanligi ma’lum bo‘ldi. Hozirgi vaqtda u ko‘lga olindi”, — deyiladi Toshkent shahar IIBB matbuot xizmati axborotida.
Qayd etishlaricha, YTH vaqtida Nurbek T. spirtli ichimlik ta’siri ostida bo‘lgan, bu haqda narkologik ekspertizaning xulosasi bor. Qo‘lga olingan shaxsning yuzida YTH vaqtida yetgan va jiddiy bo‘lmagan tan shikastlari mavjud.
“Sud Nurbek T.ga nisbatan qamoqqa olish ehtiyot chorasini qo‘lladi. Tergov davom etmoqda”, —deyiladi IIBB axborotida.
Izoh (0)