Ўзбекистонда сув нархи энг арзон нархлардан ҳисобланади, яъни 310 сўм. Шунингдек, Ўзбекистон энг кўп сув истеъмол қиладиган давлатлардан бири ҳам ҳисобланади. Бу ҳақда Ўзбекистон уй-жой коммунал хизмат кўрсатиш вазири Музаффар Солиев Халқаро пресс клубда бўлиб ўтган сессияда маълум қилди.
Вазирнинг сўзларига кўра, Ўзбекистон ишлатадиган барча турдаги сувларнинг 94,5 фоизи юридик соҳага йўналтириладиган, яни қишлоқ хўжалиги, ишлаб чиқариш ва бошқалар. Қолган 5,5 фоизни эса фуқаролар истеъмол қиладиган сувлар ташкил этади.
Республика бўйлаб 13 мингдан ошиқ қудуқ мавжуд бўлиб, тоза ичимлик суви асосан ер ости қувурларидан олинади.
Музаффар Солиевнинг маълум қилишича, Ўзбекистон фуқароларининг 9 фоизи махсус машиналарда етказиладиган сувни истеъмол қилади. Бунга Қорақалпоғистон Республикаси, Фарғона вилояти, Қашқадарё вилояти ва бошқа вилоятлардаги чекка ҳудудларда истиқомат қиладиган фуқаролар киради.
Вазирнинг маълум қилишича, чет элдан сув истеъмолини ҳисоблайдиган ҳисоблагичлар олиб келинган. Бу ҳисоблагичларнинг эскисидан фарқли шундаки, улар ахборотни узатиш имконини беради. Яъни Мажбурий ижро бюроси ходимлари истеъмолчининг уйига бориб, хонадон эгасини безовта қилиб сув истеъмоли миқдорини текшириши шарт бўлмайди. Шунингдек, бу ахборотлар битта базада йиғилади ва ҳеч қандай инсон омили аралашишига имкон бермайди. 3 йил давомида Ўзбекистон фуқароларининг барчасини сувдан фойдаланишни ҳмоялайдиган индивидуал ҳисоблагичлардан фойдаланишга ўтказиш режалаштирилмоқда.
Қайд этилишича, Ўзбекистон бўйича бугунги кунга қадар фуқароларнинг сувдан 411 миллиард сўм қарздорлиги мавжуд.
Музаффар Солиевнинг айтишича, агар хорижий банклардан 4,5 миллиард доллар инвестиция олинса, 2030 йилга қадар аҳолининг 91,2 фоизи ичимлик сув билан ва 51,1 фоизи оқова сув хизматлари билан қамраб олинади.
Вазирнинг қайд этишича, Жиззах шаҳрининг сув оқова тизмини бутунлай қайта таъмирлаш режалаштирилган бўлиб, қурилиш ишлари бошланган. 2020 йил якунига қадар Самарқанд, Бухоро ва бошқа йирик шаҳарларнинг сув оқова тизими қайта таъмирланади.
Таъкидланишича, 2019 йилда соҳадаги муаммоалрни ҳал қилиш мақсадида 19 та норматив ҳужжат қабул қилинган.
Изоҳ (0)