Сирдарё вилояти Оқолтин тумани Бинафша маҳалласида 2020 йил 3 январь куни соат 18:30да 24 ёшли И.Ю. ва 53 ёшли Н.М. маст ҳолатда жанжаллашган. Жанжал улардан бирининг ўлими билан якунланган. Бу ҳақда Ўзбекистон ИИВ ҳузуридаги Тергов департаменти хабар берди.
Маълум қилинишича, икки фуқаро ўртасида юзага келган жанжал давомида И.Ю. қўллари ва оёқлари билан Н.М.ни урган ва тепган ҳамда унга тан жароҳатлари етказган. Натижада Н.М. Оқолтин туман тиббиёт бирлашмасининг жонлантириш бўлимга ётқизилган, аммо кўрастилган тиббий ёрдамга қарамасдан, 53 ёшли фуқаро вафот этган.
Мазур ҳолат юзасидан Оқолтин тумани ИИБ томонидан Ўзбекистон Республикаси Жиноят кодексининг 104-моддаси, 3-қисми, «д» банди билан жиноят иши қўзғатилган. И.Ю. айбланувчи тариқасида ишга жалб қилиниб, унга нисбатан қамоққа олиш эҳтиёт чораси қўлланган. Тергов ҳаракатлари давом этмоқда.
Изоҳ (0)