Ўзбекистон 2023—2030 йиллар давомида Японияга умумий қиймати бир миллиард доллардан ортиқ бўлган уран етказиб беради. Бу Ўзбекистон Президентининг 2019 йил 28 декабрдаги «Ўзбекистон Республикаси ва Япония ўртасида икки томонлама ҳамкорликни янада кенгайтириш ва мустаҳкамлаш чора-тадбирлари тўғрисида»ги қарорида назарда тутилган, деб ёзмоқда «Gazeta.uz».
Уран етказиб бериш бўйича узоқ муддатли шартномалар Навоий кон-металлургия комбинати ва Marubeni компанияси ўртасида 510,1 миллион долларга ҳамда Itochu компанияси билан 636,4 миллион долларга имзоланган.
Қарорда етказиб бериладиган уран миқдори кўрсатилмаган.
Ўзбекиистон 2017 йилнинг сентябрь ойида АҚШнинг Нукем компанияси билан 300 миллион долларлик уран етказиб бериш бўйича етти йиллик шартома имзолаган эди. 2017 йилнинг ноябрь ойида Ўзбекистон Жанубий Кореяга уран етказиб бериш бўйича узоқ муддатли шартномани имзолади. 2019 йилнинг январь ойида эса уран етказиб бериш бўйича Ҳиндистон билан узоқ муддатли шартнома имзоланган.
Изоҳ (0)