Тошкент вилоятида қурилган «Амирсой» тоғ-чанғи курорти жорий йилнинг 21 декабрь куни расман очилиши маълум қилинган эди.
21—22 декабрь кунлари Ўзбекистонда кучли шамол бўлиб қор ёғиши, ҳаво ҳарорати кундузи 5—7 даражага совуқ бўлиши кутилмоқда.
Шу муносабат билан Туризмни ривожлантириш давлат қўмитаси ташриф буюрувчиларнинг хавфсизлиги қулайлигингизни таъминлаш мақсадида «Амирсой» тоғ-чанғи курортига олиб борувчи ҳудуддан ўтиш фақат қишки шинали олд ва тўлиқ ғилдиракли автомобиллар учун рухсат этилишини маълум қилди.
Мавзуга доир: Чимёнда кўчки хавфи эълон қилинди
Шунингдек, қайд этилишича, «Амирсой» тоғ-чанғи курорти автотураргоҳи 500 машинага мўлжаллангани боис автотранспорт воситалари автотураргоҳнинг тўлишига қараб тўхтатилади.
Очилиш маросимидан кейин 22 декабрь куни олиб бориладиган профилактик ишлар ва ҳудудни тозалаш ишлари туфайли «Амирсой» тоғ-чанғи курорти ўз фаолиятини тўхтатиб туради ва меҳмонларнинг ҳудудга кириши тақиқланади.
Изоҳ (0)