18 декабрь куни Тошкент метрополитени Юнусобод йўлининг янги қурилаётган қисмида фавқулодда вазият вужудга келган эди. Ўзбекистон Президентининг топшириғига мувофиқ содир бўлган ҳодиса сабаблари ва оқибатларини жойида ўрганиш, зудлик билан бартараф этиш, жабрланганлар ва уларнинг оила аъзоларига ёрдам кўрсатиш мақсадида ҳукумат комиссияси тузилган. «Ўзбекистон 24» каналида Самарқанд ва Шаҳрисабзда метро қурилишида ҳалок бўлган қурувчиларнинг дафн маросимлари ўтказилгани ҳақида лавҳа эфирга узатилди.
Воқеа жойида олиб борилган тезкор қидирув-қутқарув ишлари натижасида олти нафар фуқаронинг жасади тупроқ остидан олиб чиқилди ва уларнинг шахси аниқланди. Қидирув-қутқарув ишлари якунланиб, комиссия ишининг биринчи фазаси ниҳоясига етди.
Комиссия томонидан ҳодиса сабаблари ва оқибатларини ўрганиш ҳамда бартараф қилиш ишлари давом эттирилмоқда, мазкур ҳолатнинг вужудга келишига сабабчи бўлган ва йўл қўйган масъул ташкилот ва шахслар аниқланмоқда. Шунингдек, лойиҳани амалга ошириш жараёнида шу ва бошқа кўнгилсиз ҳолатлар такрорланишини олдини олиш юзасидан зарур чора-тадбирлар ишлаб чиқилмоқда.
Мавзуга доир: Юнусободдаги метро қурилишига қуришни билмайдиган темирйўл тизими ходимлари ҳам жалб этилгани маълум қилинди
«Ҳалок бўлганларнинг дафн маросимларини ўтказишга маҳаллий давлат ҳокимияти органлари ҳар томонлама ёрдам кўрсатмоқда. Нодавлат ташкилотлар томонидан уларнинг оилаларига моддий ва маънавий ёрдам кўрсатиляпти», — дейилади хабарда.
Мавзуга доир:
Изоҳ (0)