Наманган вилояти Янгиқўрғон туманидаги тоғли ҳудудда жойлашган «Нов» МФЙда жойлашган 48-сонли умумий ўрта таълим мактабида бир неча йилдан буён иситиш тизими носозлиги сабабли ўқувчилар спорт залидан фойдалана олмаётган эди. Бу ҳақда Истеъмолчилар ҳуқуқларини ҳимоя қилиш жамиятлари федерацияси хабар берди.
Маълум қилинишича, мактаб маъмурияти юқори турувчи бир нечта ташкилотга оғзаки, ёзма мурожаатлар қилган, бироқ бу муаммо ҳозирги кунга қадар ўз ечимини топмаган.
Мактаб маъмурияти ва бир неча ота-она 2019 йил 3 декабрь куни Истеъмолчилар ҳуқуқларини ҳимоя қилиш жамиятлари федерациясига мурожаат қилган. Федерация мутасаддилари ушбу муаммони бир неча ташкилотлар билан биргаликда ўрганиб чиқиб, тез фурсатда ҳал қилиб берган.
Қайд этилишича, мурожаат 5 кун муддат ичида ўрганиб чиқилиб, мактабга 9,1 миллион сўмлик янги иситиш тизими ўрнатилган.
Изоҳ (0)