11 декабрь, чоршанба куни Марказий сайлов комиссияси Халқаро матбуот марказида Халқаро пресс клубнинг навбатдаги сессияси бўлиб ўтди.
Тадбирда иштирок этган Ички ишлар вазирининг матбуот котиби Шоҳрух Ғиёсовнинг маълум қилишича, келгусида фуқароларни вақтинчалик рўйхатга қўйиш тартиби соддалаштирилади.
«2021 йилдан фуқароларни вақтинчалик рўйхатга қўйиш тартиби соддалаштирилади ва фуқаролар электрон тартибда рўйхатга олиниб, ID карталардан фойдаланилади», — деди у.
Бундан ташқари «Адолат» социал-демократик партияси вакили прописка ва рўйхатга олиш тизимига партиянинг муносабатини маълум қилган.
«‘Адолат’ социал-демократик партияси ҳозирги фуқароларни прописка ва рўйхатга олиш тизимидан норози», — дейди Камола Ҳамидова.
Аввалроқ ушбу тадбирда Ўзбекистон экологик партияси вакили вилоятлардан Тошкентга келаётган фуқароларни қайд этишнинг янгича тартибини жорий этишни таклиф қилган эди.
Изоҳ (0)