Самарқандда ўзининг 9 ёшли жиянини икки марта зўрлаган эркак 16 йилга озодликдан маҳрум қилинди. Бу ҳақда Zarnews хабар берди.
Нашр томонидан маълум қилинишича, судланувчи А.Б. спиртли ичимлик истеъмол қилиб, мастлик ҳолатида 2019 йил 1 февраль куни соат 17:40 да 2010 йилда туғилган жияни С.В.ни ўзининг яшаш уйига олиб борган ҳамда унга пичоқ билан таҳдид қилиб қўрқитган ва уни зўрлаган.
Бундан ташқари, А.Б. ўзининг жиноий ҳаракатларини давом эттириб, 2019 йил 7 март куни соат 16:15 да жияни С.В.ни яна ўз уйига олиб келган. Эркак жиянини болта билан ўлдиришни айтиб қўрқитган ва яна унинг ожизлигидан фойдаланган.
Суднинг ҳукми билан А.Б.га нисбатан жиноятлар мажмуи тариқасида 16 йил озодликдан маҳрум қилиш жазоси ҳамда жазони ўташ жойларида сурункали алкоголизм хасталигидан мажбурий даволаниш чораси белгиланди.
Изоҳ (0)