Ижтимоий тармоқларда тарқалган Сурхондарё вилояти перинатал марказида пуллик тиббий хизматлар нархлари акс этган прейскурант (расм) кўплаб муҳокамаларга сабаб бўлди. Ушбу ҳолат юзасидан Соғлиқни сақлаш вазирлиги расмий баёнотни тақдим этди.
Маълумки, охирги йилларда ҳомиладор аёллар ва чақалоқларни перинатал ҳамда неонатал скринингдан ўтказиш орқали уларда туғма ва ирсий касалликларни эрта аниқлаш тизими йўлга қўйилди. Перинатал хизматнинг асосий вазифаси ҳомила ҳолатини кузатиш, жарроҳлик йўли билан ўз вақтида даволаш учун туғма нуқсонларни аниқлаш, муддатига етмай ва кам вазнда туғилган чақалоқларни парваришлашдан иборат. Бу борада эришилаётган муваффақиятлар нафақат гўдаклар ҳаётини ва саломатлигини сақлаб қолиш, балки она саломатлигини ҳам таъминлаш имконини беради.«Шу ўринда эслатиб ўтиш жоизки, мамлакатимиздаги перинатал марказлари ҳомилада туғма нуқсони бўлган, она ва бола саломатлигига хавф солувчи туғруқларни амалга оширувчи муассаса ҳисобланади. Ушбу ҳолатларда барча туғруқлар бепул тарзда амалга оширилади.Қолаверса, Ўзбекистон перинатал муассасаларини замонавий тиббий асбоб-ускуналар билан жиҳозланиши баробарида, мутахассисларнинг ҳам малакасини ошириш орқали энг кам вазнли гўдаклар, ҳатто беш юз грамм вазнда туғилган чақалоқларни парвариш ва реабилитация қилиш муваффақиятли амалга оширилмоқда. Охирги икки йил ичида гўдаклар ўлими ҳар бир минг нафар тирик туғилганларга нисбатан 1,6 промиллега камайди.
Таъкидлаш жоизки, Ўзбекистон Президентининг 2018 йил 7 декабрдаги ‘Ўзбекистон Республикаси соғлиқни сақлаш тизимини тубдан такомиллаштириш бўйича комплекс чора-тадбирлар тўғрисида’ги фармони ҳамда Соғлиқни сақлаш вазирлигининг 2018 йил 29 октябрдаги «Соғлиқни сақлаш вазирлиги тизимидаги тиббиёт ташкилотлари томонидан кўрсатилаётган пуллик тиббий хизматларни янада такомиллаштириш тўғрисидаъги 589-сонли ҳамда 2014 йил 28 майдаги ‘Ўзбекистон Республикасида перинатал хизматни ҳудудийлаштириш тўғрисида’ги 185-сонли буйруқлари асосида муддатдаги физиологик, асоратланмаган ҳомиладорлик, доимий ёки вақтинча рўйхатда турган ҳомиладор аёлларни жойидаги туғруқ муассасасида бепул тарзда тиббий хизмат кўрсатилади.
Ўзбекистон Соғлиқни сақлаш вазирлиги Жамоатчилик билан алоқалар бўлими
Шунингдек, айни пайтда фуқароларнинг талаб ва истакларига асосан бошқа ҳудудларда бўлгани каби Сурхондарё вилоят перинатал марказида сифатли, малакали ва ихтисослаштирилган пуллик тиббий хизмат кўрсатилиши йўлга қўйилган. Марказда пуллик тиббий хизмат йўлга қўйилгунга қадар физиологик туғруқлар 47 фоизни ташкил этган бўлиб (меъёр 25 фоизгача) пуллик тиббий хизмат йўлга қўйилгач, ушбу кўрсаткични 20-25 фоизга тушириш кўзда тутилган. Пуллик хизмат нафақат қонун ҳужжатлари ижросини таъминлаш баробарида, бюджет маблағларини тежаш, санитария қоидаларига риоя қилиш, коррупциянинг олдини олиш, муассасанинг тиббий ва моддий техника базасини мустаҳкамлашда муҳим омил бўлмоқда», — дейди Соғлиқни сақлаш вазирлиги Оналик ва болаликни муҳофаза қилиш бош бошқармаси бошлиғи Марат Содиқов.
«Ижтимоий тармоқларда тарқалган прейскурант эса тегишли ҳуқуқий ҳужжатга асосан пуллик тиббий хизмат учун белгиланган нархлар ҳисобланади. Шу боис физиологик ҳолатдаги ҳомиладор аёллар, ҳудудлардаги туғруқ муассасасида бепул тарзда тиббий хизматдан ёки ўз хоҳишларига қараб, перинатал марказларидаги пуллик хизматлардан фойдаланишлари мумкин», — дейилади хабарда.
Изоҳ (0)