Фарғонада эркак рашк туфайли хотинини пичоқлаб ўлдирди

Фарғона вилоятининг Ўзбекистон тумани, Бекобод қишлоғида эркак рашк туфайли хотинини пичоқлаб ўлдирди. Бу ҳақда Бош прокуратура матбуот хизмати «Дарё»га хабар берди.

Маълум бўлишича, воқеа 30 октябрь, чоршанба куни соат 15:00 ларда юз берган. 43 ёшли эркак А.А. 41 ёшли турмуш ўртоғи Н.А. билан рашк туфайли жанжаллашиб, ошхона пичоғи билан унинг ўнг биқин ва кўкрак соҳасига бир неча маротаба уриб, қасддан ўлдирган.

Мазкур ҳолат юзасидан шу куни туман прокуратураси томонидан А.А.га нисбатан Жиноят кодексининг 97-моддаси 1-қисми (Қасддан одам ўлдириш) билан жиноят иши қўзғатилган. Ушбу моддада 10 йилдан 15 йилгача озодликдан маҳрум қилиш жазоси белгиланган.