Лойиҳа бошқаруви миллий агентлиги ҳузуридаги Электрон ҳукумат ва рақамли иқтисодиёт лойиҳаларини бошқариш маркази, Ягона интегратор UZINFOCOM ҳамда Ўзбекистон Молия вазирлиги ҳузуридаги бюджетдан ташқари Пенсия жамғармаси томонидан, пенсия (нафақа) ҳақида тўлиқ маълумот берувчи янги интерактив давлат хизмати ишга туширилди. Бу ҳақда Лойиҳа бошқаруви миллий агентлиги хабар берди.
Ягона интерактив давлат хизматлари портали орқали онлайн тарзда қуйидаги маълумотларни билиб олиш мумкин: пенсия (нафақа) миқдори, тайинланган санаси, тўлаш муддати, иш стажи давомийлиги, нафақа тури, танланган муддат бўйича тўловлар миқдори, шунингдек, ҳисобланган ва ҳисобланмаган иш стажи ҳақида маълумотлар. Барча керакли маълумотларни реал вақт режимида ҳеч қандай қўшимча ҳужжатларсиз олишингиз мумкин.
Ушбу хизмат Ягона интерактив давлат хизматлари порталининг «Ижтимоий таъминот» бўлимида келтирилган бўлиб, жисмоний шахслар (пенсия/нафақа олувчилар) учун бепул тақдим этилади.
Изоҳ (0)