Ўзбекистон Бош прокуратураси жамоатчилик билан алоқалар ва ҳуқуқий ахборот бўлими бошлиғи Ҳаёт Шамсутдинов ов қуроли қўллаган ҳолда одам ҳаётига суиқасд қилиш жинояти юзасидан баёнот берди.
20 октябрь соат 00:00 ларда Жиззах вилояти Шароф Рашидов тумани Тоқчилик маҳалласида 1979 йилда туғилган фуқаро Зафар И. 1999 йилда туғилган фуқаро Ёрқин Б. ва унинг қариндошлари билан ўзаро жанжаллашиб, МС-2112 русумли ов қуроли билан уларга қарата 6 маротаба ўқ узиб, қасддан ўлдиришга ҳаракат қилган.
Мазкур ҳолат юзасидан 21 октябрда Ш.Рашидов тумани прокуратураси томонидан Зафар И.га нисбатан ЖКнинг 25, 97-моддаси 2-қисми «а» банди билан жиноят иши қўзғатилган.
Зафар И. процессуал тартибда ушланган. Тергов ҳаракатлари давом этмоқда.
Изоҳ (0)