14 сентябрь, шанба куни футбол бўйича Англия Премьер лигасининг 5-тури доирасида навбатдаги 5 та ўйин якунланди.
Оле-Гуннар Сульшер қўл остидаги «Манчестер Юнайтед» клуби «Олд Траффорд»да «Лестер» билан баҳсга киришди.
Учрашувдаги ягона гол 8-дақиқада пенальтидан урилди. Унга «манкунианлар» ҳужумчиси Маркус Рэшфорд муаллифлик қилди.
Шу тариқа Манчестер клуби ўз уйида «Лестер»ни кичик ҳисобда мағлубиятга учратди (1:0).
Мазкур ғалабадан сўнг «Юнайтед» очколари сонини 8 тага етказиб, мусобақа жадвалида 4-ўринга кўтарилиб олди. Ундан кейинги ўринда бораётган «Лестер» ҳисобида ҳам шунча очко мавжуд.
Шу куни Маурисио Почеттино бошқарувидаги Лондоннинг «Тоттенҳэм» клуби ўз майдонида «Кристал Пэлас»ни синовдан ўтказди.
Беллашув давомида «шпорлар» ярим ҳимоячиси Сон Ҳён Мин (10, 23) дублга эришган бўлса, Эрик Ламела (42) ҳам ўз номига битта гол расмийлаштириб қўйди. «Кристал Пэлас» ҳимоячиси Патрик ван Анхолт ўз дарвозасини ишғол қилиб қўйди.
Натижада лондонликлар ўз майдонида кечган баҳсда «Кристал Пэлас» дарвозасига жавобсиз 4 та гол уриб, 3 очкони қўлга киритди (4:0).
Ушбу ғалабадан сўнг «Тоттенҳэм» 8 очко жамғариб, мусобақа жадвалида 3-поғонадан жой эгаллаб турибди. «Кристал Пэлас» эса 7 очко тўплаб, 11-ўринда бормоқда.
Фрэнк Лэмпард бошлиқ Лондоннинг «Челси» клуби эса «Вулверҳэмптон» майдонига сафар қилди.
Ўйинда «аристократлар» ҳужумчиси Тэмми Абраҳам (34, 41, 55) ҳет-трикка эришган бўлса, Фикайо Томори (31) ҳамда Мэйсон Маунт (90) биттадан голга муаллифлик қилди. «Бўрилар»дан эса Патрик Кутроне Кепа Аррисабалага қўриқлаётган дарвозага гол урди. 69-дақиқада эса Абраҳам ўз дарвозасига автогол уриб қўйди.
Шу тариқа ўйин 5:2 ҳисобида «Челси» фойдасига якунланди.
Қайд этиш жоиз, Лондон клуби 8 очко тўплаган ҳолда 6-ўринда бормоқда. «Вулверҳэмптон» эса 3 очко билан 19-поғонадан жой олган.
АПЛ
5-тур баҳслари
14 сентябрь, шанба
«Брайтон»—«Бёрнли» 1:1
Голлар: 1:0 — 51 Мопе, 1:1 — 90 Хендрик«Манчестер Юнайтед»—«Лестер» 1:0
Гол: 1:0 — 8, пенальти Рэшфорд«Шеффилд Юнайтед»—«Саутҳэмптон» 0:1
Гол: 0:1 — 66 Женепо«Тоттенҳэм»—«Кристал Пэлас» 4:0
Голлар: 1:0 — 10 Сон Ҳён Мин, 2:0 — 21, автогол ван Анхолт, 3:0 — 23 Сон Ҳён Мин, 4:0 — 42 Ламела«Вулверҳэмптон»—«Челси» 2:5
Голлар: 0:1 — 31 Томори, 0:2 — 34 Абраҳам, 0:3 — 41 Абраҳам, 0:4 — 55 Абраҳам, 1:4 — 69, автогол Абраҳам, 2:4 — 85 Кутроне, 2:5 — 90 МаунтЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)