Фаластин президенти Маҳмуд Аббос Фаластин озодлиги ташкилоти марказий кенгаши талабига кўра, Исроил билан имзоланган барча келишувларни амалга оширишни тўхтатишини маълум қилди, деб хабар беради «Коммерсант».
«Биз Шарқий Қуддусда зўравонлик ва куч билан бериладиган буйруқларга бўйсунмаймиз», — дейди Фаластин президенти. Шунингдек, Маҳмуд Аббос Фаластин «аср келишуви»ни қабул қилишдан бош тортишини маълум қилди.
Мазкур баёнот Исроил томонидан босиб олинган Шарқий Қуддусда жойлашган Сур-Бахер туманидаги Фаластинга тегишли ўнлаб бинолар бузилганидан сўнг билдирилди. Жорий йилнинг май ойида Исроил Олий суди ушбу бинолар фаластинликлар томонидан қонунга қарши қурилгани ва бузилиши лозимлиги ҳақида қарор чиқарганди.
Изоҳ (0)