Жанубий Корея терма жамоаси ҳужумчиси Хванг Уи Жо фаолиятини Францияда давом эттиради. Бу ҳақда «Бордо»нинг Twitter’даги расмий саҳифасида хабар берилди.
У 2017 йилдан буён «Гамба Осака» шарафини ҳимоя қилиб келаётганди.
Маълумот учун, 26 ёшли ҳужумчи ортда қолган мавсум Ж-Лигада 19 та учрашувда майдонга тушиб, 4 та гол урди ҳамда 1 та голга ассистентлик қилди.
Шунингдек, у Жанубий Корея терма жамоаси сафида 2018 йилги Осиё ўйинларида иштирок этиб, 9 та гол урганди ва мусобақанинг энг яхши ўйинчисига айланганди.
Эслатиб ўтамиз, Хванг Уи Жо Индонезия мезбонлик қилган Осиё ўйинлари мусобақасининг 1/4 финалида Ўзбекистон дарвозасига 3 та гол урганди. Ўшанда Ўзбекистон Жанубий Кореяга 3:4 ҳисобида мағлубиятга учраганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)