Хитойда 8 июль, душанба куни шахмат бўйича аёллар ўртасида 2019 Belt and Road China Yuecheng Shaoxing International Women Chess Open мусобақаси бошланди.
Ушбу мусобақада Ўзбекистон номидан халқаро гроссмейстер Гулруҳбегим Тоҳиржонова иштирок этмоқда. Ўзбекистонлик шахматчи дастлабки турда мезбон Ян Тян Чини, иккинчи турда эса Пратюша Боддани мағлуб этди.
Гулруҳбегим икки тур натижаларига кўра, мусобақа жадвалини бошқариб турибди.
Маълумот учун, мазкур мусобақанинг соврин жамғармаси салкам 116 минг АҚШ долларини ташкил этади. Унда 9 давлатдан ташриф буюрган 34 нафар спортчи совринли ўринлар учун кураш олиб бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)