Россияда Жанубий Америка футболидан ҳикоя қилувчи фақат битта журнал фаолият олиб боради. Унинг асосчиси Александр Спивак эса жанубликлар футболидан сўзловчи қойилмақом ҳикояларни қаердан топишни жуда яхши билади. Ҳикояларнинг баъзилари эса футбол ҳақидаги тасаввуримизни ўзгартириб юбориши мумкин. Қария Шенкс айтганидек, бу ҳаёт-мамот масаласи. Хуллас, унинг навбатдаги ҳикоясини биргаликда тинглашни/ўқишни таклиф қиламиз.
2013 йил 11 сентябри. ЖЧ—2014 мусобақаси саралаш босқичи. Уругвай Колумбияга қарши саф тортди. Уругвайликлар устози Оскар Табарес терма жамоа асосий таркибига 18 ёшли марказий ҳимоячини киритди. Бу ҳақиқий сенсация эди. Ахир қаҳрамонимиз маҳаллий «Данубио» клуби сафида атиги 16 та ўйин ўтказганди. Унинг терма жамоадаги дебют ўйини эса кимсан Радамель Фалькаога қарши эди. Бу ҳолатни ҳатто Радамелнинг ўзи ҳам тушунмасди:
— Мен нима қилмай ўйинга диққат-эътиборимни қарата олмасдим. Худдики, ҳар дақиқада ақлдан озаётгандек эдим. У бирдан мендан қандай машинам борлигини сўради. Менда Audi бор эди. Унга ҳатто машинамнинг рангини ҳам айтдим. У эса тўпни мендан олиб қўйиб, уни жарима майдончасидан узоқлаштириб юборди… Бу бошланиши эди, холос.Шундан кейин ҳам «болакай» колумбиялик юлдузни таъқиб қилишда давом этди:
— Нима учун Эквадор, Венесуэла ва Колумбиянинг байроқлари бир хил рангдалигини биласизми?Фалькао бу ҳақида батафсил айтиб беришга чоғланган эди ҳамки, ёш ҳимоячи яна тажрибали ҳужумчини ортда қолдриб, ҳаводаги курашда ғолиб чиқди. Камига Фалькаонинг жағига оҳистагина зарба ҳам берди.— Мен бу ҳақида терма жамоанинг энг кекса аъзоси Фарид Мандрагон билан кийиниш хонасида гаплашгандим. У бунинг Симон Боливар билан боғлиқлигини айтганди…
— Иккинчи бўлим аввалида майдон марказида тургандим, — дея ҳикоясида давом этади Фалькао. Бирдан у мен томон келиб, бу унинг терма жамоадаги дебют ўйини эканлигини айтиб қолди. Шунингдек, мазкур ўйин шарафига татуировка чиздириш истаги борлигини айтди. Сўнг у мендан «сентябрь» сўзи Setiembre ёки Septiembre кўринишида ёзилишини сўради. Мен ўйлаб қолдим ва тўпга сакрамадим ҳам.Бутун ўйин давомида Уругвай терма жамоаси ҳимоячиси Фалькаони тутуриқсиз гап-сўзлар билан чалғитишда давом этди. У резина ва пластикдан қилинган уй нима дейилишини, Валивия ёки Валдивия қайси бири тўғри эканлигини сўрарди. Камига машинасига эҳтиёт қисмларини Чамако бозоридан сотиб олишини айтиб қўярди.
— Бунинг нима эканлигини тушунмасдим. Ҳатто унинг нима ҳақида гапираётганлигини ҳам англамасдим.Ўйин эса 2:0 ҳисобида Уругвай терма жамоасининг ғалабаси билан якунланди. Ўйин якунлангач Фалькао «болакай»дан Facebook’даги никини сўради.
— Бермайман, — дея жавоб берди у. Мен Facebook’га фақат Candy Crush ўйинини ўйнаш учун кираман. У сизга нимага керак!?Бу ўйин колумбиялик ҳужумчига ёддан чиқмайдиган хотираларни тақдим этди: Вазиятлар умуман йўқ, бой берилган яккакурашлар ва ақлдан оздирадиган йигитча. Бу нимаси энди!?
Ўша болакай ўйиндан 3 кун ўтиб Мадриднинг «Атлетико» клубида ҳам дебют қилди. Унинг исм-шарифи — Хосе Мария Ҳименес эди.
Изоҳ (0)