2019 йил 25 май куни соат 01:00 ларда номаълум ҳайдовчи аниқланмаган автомашинани Қашқадарё вилоятининг Яккабоғ тумани Оқтош МФЙ ҳудудидан ўтувчи автомагистрал йўлининг 16-километрида ҳайдаб кетаётиб 21 ёшли пиёда Д.Т.ни уриб юборган ва воқеа жойидан яширинган, бу ҳақда Ўзбекистон Республикаси ИИВ Жамоатчилик ва ОАВ билан алоқалар бошқармаси хабар қилади.
Натижада Д.Т. жароҳат олиб, воқеа жойида вафот этган. Ҳолат юзасидан жиноят иши қўзғатилган эди.
Кўрилган чоралар натижасида ушбу йўл-транспорт ҳодисасини Яккабоғ тумани Жийда қишлоғи, Жийда МФЙда яшовчи 33 ёшли Б.Ҳ. ўзининг Damas русумли автомашинасида содир этганлиги аниқланиб, ушланган. Тергов ҳаракатлари давом этмоқда.
Изоҳ (0)