Хитойлик генерал Ан Пу ва қадим Бухоро ўртасида қандай алоқа бор? Икуо Хираяманинг халқаро маданият карвонсаройи ва ёш график рассомлар. 200 кг ли музқаймоқни кўрганмисиз? Сиз учун пул нима? Тадбиркорлик ғояларини ривожлантириш ва тушуниш бўйича ўйинлар. Ўргимчак одам Тошкентда!
Шаҳрингизда кутилаётган тадбирлар ҳақида Daryo Weekend’да маълумот берилишини истасангиз, маълумотларни бизга info@simple.uz электрон почта манзилига юборинг.
КЎРГАЗМАЛAР
«Бухорага қайтиш»
24 июндан 20 сентябргача, Ўзбекистон тарихи давлат музейининг кўргазмалар залида, асли Бухородан бўлган, туғилиш вақти тахминан 600 йилларга тўғри келадиган ҳамда ўзининг жасурлиги ва буюк ишлари туфайли Хитой тарихида унутилмас из қолдирган Генерал Ан Пуга бағишланган «Бухорога қайтиш: Генерал Пу ва унинг рафиқаси мақбарасининг маданий мероси» кўргазмаси бўлиб ўтмоқда. Кўргазмада Генерал Ан Пу ва унинг рафиқасига тегишли бўлган ва сақланиб қолган 75 та экспонат тақдим этилади.
\\\\\\\\\\\\\\\\\\\\\\\\\\\\\\\\\\\\\\
«Ёш график рассомлар» гуруҳининг кўргазмаси
28 июндан 12 июлга қадар Икуо Хираяманинг халқаро маданият карвонсаройи кичик кўргазмалар залида Миллий тасвирий санъат ва дизайн институти талабалари гуруҳининг «Ёш график рассомлар» деб номланган кўргазмаси очилади. Кўргазмада 40 дан ортиқ асарлар намойиш этилади.
КЎНГИЛОЧAР
6 июль куни 18:00 да Mar Ice’да турк музқаймоғи фестивали бўлиб ўтади
Дастурда 200 кг ли музқаймоқ арра ва болта ёрдамида бўлинади, шунингдек сизларни танловлар ва совғалар, аниматорлар намойишлари ва бошқа кўплаб қизиқарли дастурлар кутмоқда.
МАОРИФ
Тадбиркорлик ғоялари бўйича бепул мастер-класс
5 июль куни «Ground Zero Sergeli»да тадбиркорлик ғоялари бўйича бепул маҳорат дарслари ўтказилади. Бизнес-класс 12 ёшдан 16 ёшгача бўлган ўсмирлар учун мўлжалланган.
Дастурда:
- тадбиркорлик ғояларини ривожлантириш ва тушуниш бўйича ўйинлар
- интерактив суҳбат формати
- тадбиркорлар ва пул ҳақида мавзулар
- бизнес кўникмаларини амалиётда қўллаш каби мавзуларда сўз юритилади.
2—6 июль кунлари қадар Zero Line Галереяси томошабинларга буюк рассомлар ва тасвирий санъат бўйича маърузалар рукнини тақдим этади. Ушбу маърузалардан сиз тарихда ном қолдирган уста рассомларнинг ҳаёти ва ижоди ҳақида қизиқарли маълумотларни билиб олишингиз мумкин бўлади.
\\\\\\\\\\\\\\\\\\\\\\\\\\\\\\\\\\\\\\
Бепул «Квиз, плиз» интеллектуал ўйини
6 июль 17:00 да, NEXT савдо мажмуасининг фудкортида, «Квиз, плиз» интеллектуал ўйини ташкил қилинади. Ўйин жамоавий бўлиб, истаган одам иштирок этиши мумкин. Ўз билим салоҳиятингизни синаб кўриш учун ташриф буюришингиз мумкин.
КИНО
Юртимиз кинотеатрларида намойиш этилаётган фильмлар анонсига тўхталадиган бўлсак, Алишер Навоий номидаги киносаройда «Жоним дадам» фильми, «Супер хизматкор» комедияси, «Снайпер», «Кекса бўйдоқ» каби фильмлар намойиши бўлиб ўтмоқада. Шунингдек, айни дамда, кинотеатрларда машҳур «Ўйинчоқлар ҳикояси» мультфильмининг 4-қисми, Голливуд ижодкорларининг шов-шувларга сабаб бўлган «Қорадаги одамлар: интернешнл» ҳамда «Қочиш жежаси-3» фильми, ва энг шов-шувли премьералардан бири — «Ўргимчак одам: уйга қайтиш» кинокартинаси намойиши бўлиб ўтмоқда.
СПОРT
Электрон ҳисоблаш тизимли тест-югуриш ўтказилади
6 июль соат 19:00 да «Пахтакор» спорт мажмуасида электрон ҳисоблаш тизимли тест-югуриш синови ўтказилади. Қатнашувчилар 5 ва 10 км масофага халқаро тоифадаги йўлакчадан, натижаларни электрон сенсор ёрдамида қайд этувчи қурилма билан югуриб ўтишлари ва ўзларининг жисмоний ҳолатлари қай даражада эканлигини билиб олишлари мумкин бўлади.
Изоҳ (0)