Бугун,

  • USD 11095.31
  • RUB 173.84
  • EUR 10772.44

Ўзбекистон Ички ишлар вазирлиги раҳбарияти таркибида ўзгаришлар юз берди, дея хабар бермоқда ИИВ матбуот хизмати.

Полковник Азиз Анварович Тошпўлатов ички ишлар вазирининг биринчи ўринбосари этиб тайинланди.

Азиз Тошпўлатов.

Азиз Тошпўлатов.
Фото: Самарқанд вилояти ҳокимлиги

У 2017 йил ноябридан бери Самарқанд вилояти ИИБга раҳбарлик қилиб келаётган эди, бунгача 2015—2017 йилларда Наманган вилояти ИИБ бошлиғи сифатида ишлаган.

Даврон Назармуҳамедов.

Даврон Назармуҳамедов.
Фото: «Газета.uz»

Бунгача вазирнинг биринчи ўринбосари сифатида (2014 йил сентябридан бери) ишлаб келган генерал майор Даврон Обитович Назармуҳамедов Хоразм вилояти ИИБ бошлиғи бўлди.

Дониёр Қодиров.

Дониёр Қодиров.
Кадр: «Ўзбекистон» телеканали

Полковник Дониёр Бахтиёрович Қодиров ички ишлар вазирининг туризм объектлари ва транспортда хавфсизликни таъминлаш масалалари бўйича ўринбосари этиб тайинланди. Бунгача у ИИВ Транспортда хавфсизликни таъминлаш бош бошқармаси бошлиғи эди.

Дониёр Тошхўжаев.

Дониёр Тошхўжаев.
Фото: «Газета.uz»

Полковник Дониёр Бахтиёрович Тошхўжаев вазир ўринбосари — Тергов департаменти бошлиғи этиб тайинланди. «Газета.uz»нинг ёзишича, у бунгача 2019 йил январидан бери Тошкент шаҳар ИИББ бошлиғи ўринбосари — Кадрлар бошқармаси бошлиғи, аввалроқ эса ИИББ бошлиғи ўринбосари — Тергов бошқармаси бошлиғи лавозимларида ишлаган. Тошхўжаев янги лавозимда Акромхон Бобохоновни алмаштирди (у 2017 йил мартидан бери бу лавозимда эди).

Бундан ташқари, полковник Шавкат Наврўзович Раҳмонов Самарқанд вилоят ИИБ, полковник Шавкат Тоҳирович Мавлонов эса Сирдарё вилояти ИИБ бошлиқлари этиб тайинланди.

Изоҳ
Асосий янгиликлар
Маҳаллий
«Электр таъминотидаги узилишларга кўп дуч келдим» — Ўзбекистонга кўчиб ўтган IT-мутахассис таассуротлари
Дунё
Саакашвилининг организмида маргимуш топилди — адвокат
Маҳаллий
Шавкат Мирзиёев Володин бошчилигидаги Россия парламент делегациясини қабул қилди (фото)