Нур-Султон ва Олмаотада 9 июнь, якшанба куни рухсат берилмаган митингларда иштирок этганлик учун қўлга олинганлар сони 500 киши атрофида бўлди. Бу ҳақда Қозоғистон ички ишлар вазирининг ўринбосари Марат Кожаев маълум қилди, дея хабар беради «Korrespondent.net».
Унинг айтишича, икки шаҳар кўчаларида «вазиятни беқарорлаштиришга уринишлар» бўлган. Полициячиларнинг ҳаракатларига изоҳ берар экан, «барча тадбирлар қонун талаблари асосида амалга оширилгани»ни таъкидлаган.
Нур-Султон ва Олмаотадаги акциялар иштирокчилари президентлик сайловларини бойкот қилишга чақирган.
Изоҳ (0)