АҚШнинг Огайо штатида истиқомат қилувчи 43 ёшли эркак турли штатлардан тўрт нафар аёлга уйланиб, уларни 20 минг долларга чув туширишга уринди. «Ишбилармон хотинбоз»га 12 ой шартли қамоқ жазоси тайинланди, деб хабар беради Forum Daily.
23 апрель куни 43 ёшли Майкл Миддлтон кўпхотинлик ва фирибгарлик бўйича ўз айбини тан олди. Суд қарорига кўра, Майкл кейинги 5 йил давомида ҳеч қандай янги муаммоларни келтириб чиқармаса, қамоққа тушмайди.
Миддлтон 2006 йилда Жоржия штатида Кетрин Лешлига, 2011 йилда Алабама штатида Кассандра Шиплига ва 2013 йили Нью-Гэмпширда Элис Грантга уйланган. Ушбу фактлар орқали Майкл Нью-Гэмпширда кўпхотинлик бўйича айбланди, бироқ кейинроқ Кентуккида унинг тўртинчи хотини — Эшли Клаймер ҳам борлиги маълум бўлди. 25 ёшли Эшли туғма ногирон бўлиб чиққан.
Айбловчиларнинг сўзларига қараганда, Майкл ўз хотинларидан фирибгарлик мақсадида фойдаланган. Нью-Гэмпширдаги хотини Элисни алдаб, унинг 20 минг долларини қўлга киритган.
12 ойли шартли жазо доирасида Миддлтон зўравонлик ва токсикомания бўйича экспертизадан ўтади, шунингдек, таклиф этилган барча дастурларда қатнашади.
Изоҳ (0)