Зеленский Рамзан Қодировнинг йиғлаётгани акс этган видео учун барча мусулмонлардан узр сўради

Украинада ўтказилган президентлик сайловлари ғолиби Владимир Зеленский журналист Дмитрий Гордонга берган интервьюси вақтида «ЧистоNews» номли кўрсатувида Чеченистон раҳбари Рамзон Қодиров намоздан кейин йиғлаётгани тасвирланган лавҳаларни ишлатилгани учун мусулмонладан узр сўради. Бу ҳақда TengriNews хабар берди.

«ЧистоNews» дастуримизда шунақа видеоролик бўлган экан. Бироқ дастурни ўзим обормаганим учун бундан бехабар эдим. Бу иш билан бошқа муҳаррирлар гуруҳи шуғулланган. Гап умуман Қодиров ҳақида эмас. У ерда бу билан боғлиқ бўлмаган қандайдир видео бўлган. Бу видеога Рамзон Қодиров йиғлаётган лавҳалар тушиб қолган», — дейди Зеленский.

Зеленскийнинг сўзларига қараганда, унга қўнғироқ қилишиб, бу борадаги фикрини сўрашган. «У ерда бундай вазият – мусулмон дунёси. Мана мени нима тўхтатди. Мен гап нимадалигини билмаслигим, бу воқеани қайта кўриб чиқишимни айтдим», — деб таъкидлаб ўтган Зеленский. Сиёсатчининг айтишича, дин бу — «оғриқли мавзудир».

«Диний масалада ранжитиш бу хунук иш. Бутун мусулмон дунёси олдида йигитларимиз учун узр сўрамоқчиман», — деди Зеленский.