Савдо-саноат палатасида 18 апрель куни ўтказилган матбуот анжуманида «Ташаббус-2019» кўрик-танлови апрель-июнь ойларида бўлиб ўтиши маълум қилинди. Бу ҳақда «Дарё» мухбири хабар берди.
Кўрик-танловда ҳудудларни ижтимоий-иқтисодий ривожлантиришга ўзининг муносиб ҳиссасини қўшаётган, тадбиркорлар, фермерлар ва ҳунармандлар, жумладан ёш тадбиркорлар иштирок этиши белгиланган.
Танловнинг туман (шаҳар) босқичи 22 апрелдан 15 майга қадар, Қорақалпоғистон Республикаси, вилоятлар ва Тошкент шаҳар босқичи 20 майдан 12 июнга қадар ўтказиш режалаштирилган.
Республика босқичи 20—21 июнь кунлари: «Ўзэкспомарказ» миллий кўргазмалар мажмуасида кўрик-танловнинг очилиш маросими ва кўргазмаси, ғолибларини тақдирлаш маросими бўлиб ўтади.
Кўрик-танлов қуйидаги асосий номинациялар бўйича ўтказилади ва танлов республика босқичи мутлақ ғолиблари Президент соврини Chevrolet, Spark автомашиналари билан тақдирланади:
«Саноат соҳасида йилнинг энг яхши тадбиркори»;
«Хизмат кўрсатиш соҳасида йилнинг энг яхши тадбиркори»;
«Йилнинг энг яхши ёш тадбиркори»;
«Йилнинг энг яхши фермери;
«Йилнинг энг яхши ҳунарманди».
Ҳар бир босчқичда кўрик-танловнинг асосий йўналишлар бўйича 1, 2, 3-ўрин ғолиблари аниқланади.
Шунингдек, танлов иштирокчилари 11 та қўшимча номинация бўйича мукофотланади.
Изоҳ (0)