Наманган шаҳрининг Ислом Каримов шоҳкўчасида Президент мактаби қурилишига тамал тоши қўйилди. Бу ҳақда «Наманганская правда» хабар бермоқда.
Мактаб 2,5 гектар майдонда жойлашади. Бош пудратчи—«Зафар қурилиш сервис» хусусий корхонаси томонидан 2 та ўқув корпуси, бассейнга эга гимнастика зали, футбол мини-стадиони, волейбол-баскетбол майдони, ётоқхона ва меҳмонхона барпо этилади. Гулхоналар, ўқув-тажриба участкалари бўлади.
Президент мактабига қабул 4-синф битирувчилари орасидан сўнг мантиқий фикрлаш тестлари, ёзма имтиҳон ва суҳбат натижаларига кўра амалга оширилади. Биринчи ўқув йилида 5—10-синфларнинг 144 нафар, кейинчалик эса ҳар йили 24 нафардан ўқувчи қабул қилинади. Бир синфда 12 нафардан ўқувчи таҳсил олади.
Наманган шаҳридаги Президент мактаби жорий йил август ойида фойдаланишга топширилиши кўзда тутилган.
Изоҳ (0)