18 апрелнинг эътиборга молик янгиликлари — «Дарё» дайжестида.
Шавкат Мирзиёевга Тошкентда «Осиёда йил одами» мукофоти топширилади.
Шавкат Мирзиёев Марказий Осиё минтақасида тотувлик ўрнатилиши ва қўшни давлатлар билан фаол ҳамкорлик йўлга қўйилишига катта ҳисса қўшгани муносабати билан мукофотнинг «Сиёсат» номинациясида ғолиб деб топилган.
***
Корея Республикаси президенти Мун Чжэ Ин Тошкентга келди.
Ислом Каримов номидаги Тошкент халқаро аэропортида олий мартабали меҳмонни Ўзбекистон Бош вазири Абдулла Арипов кутиб олди.
Сўнг Корея Республикаси Президенти Ўзбекистон Бош вазири ҳамроҳлигида Тошкент шаҳридаги Инҳа университетига ташриф буюриб, мамлакатлар ҳамкорлигида амалга оширилиши режалаштирилган телемедицина лойиҳаси тақдимоти билан танишди.
***
Гитлернинг улкан режасини барбод қилган 101 ўзбек ҳақида янги тафсилотлар эълон қилинди.
Бир юз бир нафар ўзбек — Голландиянинг Амерсфорт шаҳридаги конслагерда жаҳаннам азобини тортиб, кўрсатган қаҳрамонликлари туфайли Гитлернинг ўта мудҳиш режасини барбод этганганликлари ҳамда фашистларга жаҳон тарихини ўзгартиришга йўл қўймаганликларидан бехабар ҳалок бўлган.
***
Андижонда қутқарувчилар тоғда йўқолиб қолган болани ҳушсиз ҳолда топди.
Маълум бўлишича, 2002 йилда туғилган Асадбек Абдураҳимов тоғда ўртоқлари билан бирга сайр қилиб юрганда, оёғи сирпаниши натижасида пастга қулаб тушган.
***
Тошкентда 10-синф ўқувчисини ўз мактабдоши таниб бўлмас даражагача дўппослади.
16 апрель куни 91-сонли мактаб яқинида болани параллель синф ўқувчиси Д. дўппослаган.
Маълум бўлишича, қўл жанги билан шуғулланувчи спортчи Д. жабрланувчини бир зарбадаёқ йиқитган. У ерга йиқилиб тушганидан кейин эса Д. уни таниб бўлмас даражагача дўппослаган.
Изоҳ (0)