Ўзбекистон Республикаси Миллий гвардиясининг барча бўлинмалари, ҳарбий қисм ва таълим муассасаларида бундан бир ой олдин чақиртирилган муддатли ҳарбий хизматчиларнинг Ҳарбий ва Миллий гвардия қасамёдини қабул қилиш маросими бўлиб ўтди. Бу ҳақда Ўзбекистон Республикаси Миллий гвардияси матбуот хизмати хабар берди.
Миллий гвардия қўмондонлигининг муддатли ҳарбий хизматчиларга йўлланган табриги етказилгач, ёш аскарлар Ҳарбий ва Миллий гвардия қасамёдини қабул қилди.
Муддатли ҳарбий хизматчилар тадбирда ота-оналари ва яқинлари олдида қасамёдда битилган муқаддас сўзларни тилга олиб, Ўзбекистон халқига ва Президентига садоқатли бўлишга, Ўзбекистон Республикаси Конституцияси талабларини сўзсиз ва виждонан бажаришга, халқ ва давлат манфаатларини ҳимоя қилишга тантанали равишда ваъда берди.
Ҳарбий қасамёд қабул қилган янги муддатли ҳарбий хизматчиларга илк бора Ўзбекистон Республикаси Президенти номидан Президент совғаси, яъни «Темур тузуклари» ҳамда «Ўзбекистон тарихи» китоблари тантанали равишда топширилди.
Изоҳ (0)