9 апрелнинг эътиборга молик янгиликлари — «Дарё» дайжестида.
Бухорода поезд ва юк машинаси тўқнашиши оқибатида Туркия фуқароси ҳалок бўлди.
Туркия Республикаси фуқароси Заки Кираж ўзининг бошқарувида бўлган Mercedes-Benz русумли давлат рақами ТR 76 DH 642 бўлган тиркамали юк автомашинаси билан йўлини кесиб ўтаётган ТЕМ2-5808-рақамли тепловознинг ёқилғи бакига уриб, йўл-транспорт ҳодисаси содир этган.
Ижтимоий тармоқларда ҳодиса акс этган видеолар тарқалди.
***
Халқаро бахшичилик фестивалида 5 ёшли Ғолибжон бахши ғолиб бўлди.
Ғолибжон Орипов Халқаро бахшичилик санъати фестивали доирасида ўтказилган Республика кўрик танловининг «Энг ёш бахшичилик санъати иштирокчиси» номинацияси ғолиби бўлди.
***
Сурхондарёда ЙПХ ходимлари боди-камера билан ишлашни бошлади.
Сурхондарёлик 80 нафар пост-патруль хизмати ходими, 60 нафар ЙҲХБ инспекторлари 8 апрелдан бошлаб синов тариқасида рақамли боди-камералардан фойдаланган ҳолда хизмат олиб бормоқда.
Боди-камералар махсус буюртма асосида Хитойда ишлаб чиқарилган бўлиб, қуввати узлуксиз 12 соат ишлашга етади, жазирама ва ёғингарчилик об-ҳаво шароитларида ҳам қўллаш мумкин.
***
Ўзбекистон товар-хом ашё биржасида илк марта олтин сотилди.
Ўтган ҳафтада «ЎзРTХБ» (Товар-хом ашё биржаси) АЖда олтин қуймаси сотуви бўйича биржа савдолари ўтказилди. Биржада биринчи олтин харидори «Олмалиқ КМК» АЖ бўлди.
***
Қозоғистонда муддатидан олдин президентлик сайловлари ўтказилади.
«Сайлов 2019 йилнинг 9 июнь куни бўлиб ўтади», — деди Қосим-Жомарт Тўқаев.
Шунингдек, Дариға Назарбоева Қозоғистон президенти сайловига номзодини қўймаслиги ҳақидаги хабарларни рад этди.
Изоҳ (0)