9 апрель, сешанба куни футбол бўйича Европа Чемпионлар Лигасининг 1/4 финали ўйинларига старт берилади.
Юрген Клопп қўл остидаги «Ливерпуль» клуби «Энфилд» стадионида Португалиянинг «Порту» жамоаси билан баҳсга киришади. Учрашув Тошкент вақти билан тунгги соат 00:00 да бошланади. Эслатиб ўтамиз, «мерсиядликлар» нимчорак финалда «Бавария»ни икки ўйин натижасига кўра 3:1 ҳисобида мағлуб этганди. «Порту» эса «Рома» устидан 4:3 ҳисобида зафар қучганди.
Шу куни Лондоннинг «Тоттенҳэм» клуби ўз майдонида Хосеп Гвардиола бошлиқ «Манчестер Сити» билан жанг қилади. Беллашув соат 00:00 да бошланиши белгиланган. Маълумот учун, «шпорлар» мусобақа 1/8 финалининг икки ўйини натижасига кўра «Боруссия Дортмунд»ни мағлубиятга учратган бўлса (4:0), «манкунианлар» «Шальке-04»ни йирик 10:2 ҳисобида таслим қилганди.
ЕЧЛ
1/4 финал баҳслари
9 апрель, сешанба
«Ливерпуль»—«Порту» 00:00
«Тоттенҳэм»—«Манчестер Сити» 00:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)