Ўзбекистон Миллий олимпия қўмитаси президенти, Ўзбекистон футбол ассосиацияси биринчи вице-президенти Умид Аҳмаджонов яқинда Тошкентнинг «Локомотив» клубида иш бошлаган терма жамоа собиқ мураббийи Самвел Бабаян ҳақида кескин фикрлар билдирди, деб ёзади «Sports.uz».
Яхшиликка ёмонлик бўлиб қолди. Хорижга кетгани учун бировнинг ризқини қиймайлик деб яхшилик қилсак, у дарров бошқача ўйин қилди. Агар Бабаяннинг субути бўлганида эди, у Ўзбекистонга қайтиб келмаган бўларди.Маълумот учун, Самвел Бабаян ЎФФ (ҳозир ЎФА) Ижроия Қўмитаси Бюросининг 2018 йил 15 январдаги 3-сонли қарорига мувофиқ футболга алоқадор ҳар қандай фаолият билан шуғулланишдан умрбод четлаштирилган эди. Кейинроқ мутахассис Латвияда иш бошлагач, ташкилот бу қарорнинг фақат Ўзбекистонда амал қилишини маълум қилганди.Одамлар орасида эса турли миш-мишлар тарқалиб кетди. ЎФА буларнинг барчасидан хабардор. Президентимиз ҳам кечиримли бўлиш кераклигини айтган эдилар, биз ҳам шундай йўл билан уни кечирган эдик. Шуниси аниқки, мен ўз лавозимимда эканман Бабаянни Ўзбекистон футбол ассоциацияси ёнига ҳам яқинлаштирмайман.
Умид Аҳмаджонов, Ўзбекистон футбол ассосиацияси биринчи вице-президенти
Аммо Бабаян 2019 йилнинг 2 февраль куни «Локомотив» футбол клуби президенти Мансур Ражабовнинг маслаҳатчиси этиб тайинланди. Бу орада эса унга нисбатан ЎФА томонидан очилган иш 2018 йилнинг 1 февраль куни ёпилгани ҳамда унинг дисквалификацияси бекор қилингани ошкор қилинди. Қизиғи, Бабаян четлатилиши бекор бўлишига «Бунёдкор» томонидан берилган кафолат хати сабаб бўлгани айтилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)