9-aprel, seshanba kuni futbol bo‘yicha Yevropa Chempionlar Ligasining 1/4 finali o‘yinlariga start beriladi.
Yurgen Klopp qo‘l ostidagi “Liverpul” klubi “Enfild” stadionida Portugaliyaning “Portu” jamoasi bilan bahsga kirishadi. Uchrashuv Toshkent vaqti bilan tunggi soat 00:00 da boshlanadi. Eslatib o‘tamiz, “mersiyadliklar” nimchorak finalda “Bavariya”ni ikki o‘yin natijasiga ko‘ra 3:1 hisobida mag‘lub etgandi. “Portu” esa “Roma” ustidan 4:3 hisobida zafar quchgandi.
Shu kuni Londonning “Tottenhem” klubi o‘z maydonida Xosep Gvardiola boshliq “Manchester Siti” bilan jang qiladi. Bellashuv soat 00:00 da boshlanishi belgilangan. Ma’lumot uchun, “shporlar” musobaqa 1/8 finalining ikki o‘yini natijasiga ko‘ra “Borussiya Dortmund”ni mag‘lubiyatga uchratgan bo‘lsa (4:0), “mankunianlar” “Shalke-04”ni yirik 10:2 hisobida taslim qilgandi.
YChL
1/4 final bahslari
9-aprel, seshanba
“Liverpul”—“Portu” 00:00
“Tottenhem”—“Manchester Siti” 00:00
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)