5 апрель, жума куни футбол бўйича Англия премьер лигасининг 33-турида «Ливерпуль» ҳужумчиси Муҳаммад Салоҳ «Саутҳэмптон»га қарши ўйинда гол урди (3:1).
26 ёшли мисрлик «қизиллар» учун жорий йилнинг 9 февралидан буён илк маротаба гол урди ва барча мусобақаларни ҳисоблаганда 8 та учрашувдан иборат голсиз сериясига барҳам берди.
Бу Салоҳнинг «Ливерпуль» сафида Премьер лига доирасидаги 50-голи ҳисобланади. У ушбу голларни 69 та ўйинда уришга муваффақ бўлди. Мусобақа тарихида Салоҳдан тезроқ бу натижага Руд ван Нистелрой (68 та ўйин) ва Алан Ширер (66 та ўйин) эришган.
Салоҳ 50 талик довондан ўтиш бўйича «Ливерпуль» тарихидаги энг яхши натижани қайд этди:
- Муҳаммад Салоҳ — 60 та ўйинда
- Фернандо Торрес — 72 та ўйинда
- Луис Суарес — 86 та ўйинда
- Робби Фаулер — 88 та ўйинда
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)