8 апрель куни 10:30 да Термиздаги уйлардан бирининг ертўласида портлаш содир бўлди, деб хабар бермоқда «Газета.uz» Сурхондарё вилояти ИИБ ички ишлар шаҳар бўлими маълумотига таяниб.
Портлаш фактини нашрнинг Фавқулодда вазиятлар вазирлигидаги манбаси ҳам тасдиқлаган.
«Икки киши ҳалок бўлди, чақирув бўйича етиб келган ‘тез ёрдам’ шифокорлари воқеа жойидаги ўлимни қайд этган», — дейишди Республика шошилинч тиббий ёрдам илмий марказининг Термиз филиалида.
Тиббий муассаса маълумотлари бўйича, «Дўстлик» маҳалласидаги Алишер Навоий кўчасида жойлашган 10-уйнинг чап томонида номаълум сабабларга кўра портлаш юз берган, сўнг ёнғин чиққан.
Ҳодиса сабаблари аниқланмоқда.
Тўлдириш:
Сурхондарё вилояти ИИБ Ёнғин хавфсизлиги бошқармаси маълум қилишича, портлаш газ-ҳаво аралашмаси чақнаши натижасида содир бўлган.
Изоҳ (0)