«Челси» ҳужумчиси Гонсало Игуаин Аргентина терма жамоасида бошқа ўйнамаслигини маълум қилди.
«Мен Скалони билан суҳбатлашдим ва унга терма жамоадаги фаолиятим тугаганини айтдим. Узоқ ўйладим ва шу қарорга келди. Кўпроқ вақтимни оилам даврасида ўтказишни хоҳлайман. Бошқача фикрлайдиганлар учун бу қувочли хабардир, менинг терма жамоадаги карьерам ниҳоясига етди.Эслатиб ўтамиз, Игуаин 2009 йилда Аргентина терма жамоаси сафида ўзининг дебют ўйинини ўтказган. Шу вақтга у терма жамоа сафида 75 та учрашувда майдонга тушиб, 31 та гол уришга муваффақ бўлган. Ҳужумчи жамоа билан биргаликда Жаҳон Чемпионати—2014, Америка Кубогининг 2015, 2016 йилги мусобақаларида совринли ўринларни эгаллаган.Биз кетма-кет 3 марта финалгача бордик. Уларнинг бири Жаҳон Чемпионатида рўй берган, бироқ ғалаба қозонолмадик. Шунга қарамай бизни омадсизлар деб аташди. Мен учун муваффақиятсизлик бошқа нарса.
24 йил ичида биринчи марта жамоани ярим финалга олиб чиқиш учун Бельгия дарвозасига гол киритдим, Жаҳон Чемпионати саралаш босқичида ҳам гол урдим. Лекин одамлар фақатгина хатоларни эслаб қолади. Футбол шундай ўйин.
Мен ҳақимдаги гап-сўзлардан оилам қандай азоб чекканини кўрдим. Одамлар ўйламай ҳар нарсани гапираверади. Футболчилар ҳам одам, улар ҳеч қачон ўзларини бизнинг ўрнимизга қўйиб кўришмайди.
Футбол томонларини танқид қилишгани яхши. Бироқ футболдан йироқ бўлган нарсаларни танқид қилишса, иззат-нафсига тегишса — бундан ёмони йўқ», — Fox Sports’га берган интервьюсида.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)