28 март, пайшанба куни Самарқанднинг «Динамо» жамоасига янги Хитойда ишлаб чиқарилган Zhongtong (нархи қарийб 1 миллиард сўм) русумли автобус топширилди. Тантанали тадбирда вилоят ҳокими Эркинжон Турдимов ҳам иштирок этди. Бу ҳақда «Дарё» мухбири Фарҳод Норбўтаев хабар бермоқда.
Бугун яхши ният билан «Сурхон» жамоаси билан ўйин олдидан жамоага ҳомийлар кўмагида олинган янги автобус тақдим этиш маросимига йиғилганимиз. Биринчи навбатда ҳомийларга ўз миннатдорчилигимни билдираман. Эртага Термиздан уч очко олиб келишига тилакдошмиз. Жамоа раҳбарияти ва мураббийлари ва футбочилари доимо самарқандликларни хурсанд қилиб юриш насиб эцин. Футбол миллионлар ўйини. Ҳамма бу ўйинга кўз тикиб ўтиради. Энг катта вилоят, 4 миллионга яқир аҳоли доим кузатиб туради. Доим юзларингиз ёруғ бўлсин. Кўзланган мараларга етиб юришсин.Эркинжон Турдимов, Самарқанд вилояти ҳокими
Эслатиб ўтамиз, ЎФА қарори билан «Сурхон» ҳамда «Динамо» жамоалари Суперлигага қайтарилганди. Энди иккала жамоа 30 март куни «Сурхон» майдонида Суперлиганинг 2-тур баҳсида кураш олиб боради.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)