Чанғи акробатикаси бўйича Ўзбекистон тарихидаги биринчи олимпия чемпиони, совет ва Ўзбекистон фристайлисти Лина Черязова Россиянинг Новосибирск шаҳрида 23 март куни 50 ёшида вафот этди, деб ёзади «Газета.uz». Спортчи узоқ давом этган касалликдан сўнг оламдан ўтган.
У Новосибирскдаги Клешчихинский қабристонида дафн этилади, видолашув 27 март куни бўлиб ўтади.
Лина Черязова 1968 йил 1 ноябрь куни Тошкентда туғилган. У 1989 йилда СССР термаси таркибида фристайл бўйича жаҳон кубогида дебют қилган.
1994 йилда Норвегиянинг Лиллехаммер шаҳрида бўлиб ўтган Олимпиадада Ўзбекистон номидан қатнашиб ғолиб бўлган. Унинг олтин медали мамлакат тарихида ҳалигача ягона бўлиб қолмоқда. Бундан ташқари, у акробатикада фристайл бўйича биринчи олимпия чемпионидир. Спортчи 1992—1994 йилларда жаҳон кубогининг 13 ва 18-босқичларида ғолиб бўлган.
Изоҳ (0)