Наманганда «Навбаҳор» футбол клубининг янги ўйинчилари таништирилди (фото)

Намангандаги«Марказий» стадионида «Навбаҳор» футбол клубининг янги ўйинчиларини таништириш маросими ўтказилди. Бу ҳақда маросимда иштирок этган «Дарё» мухбири хабар бермоқда.

Тадбирни вилоят ҳокими, вилоят футбол ассоциацияси президенти Хайрулло Бозоров бошлаб берди.

У жамоага янги келган футболчиларни қутлар экан, улар «Навбаҳор» клубининг кўзланган марраларни эгаллашида ҳисса қўшишига умид билдирди.

Шундан сўнг ушбу футболчиларни таништириш ва уларга клуб формаларини топшириш маросими бошланди.

Демак:

Ўткир Юсупов — дарвозабон, «Қўқон-1912» жамоасидан таклиф этилган;

Азимжон Аҳмедов — ярим ҳимоячи, «Пахтакор»;

Ғиёс Комилов — ҳимоячи, «Қўқон-1912»;

Обид Жўрабоев — ҳимоячи, «Истиқлол»;

Зафар Тўраев — ярим ҳимоячи, «Металлург»;

Азиз Ибрагимов — ҳужумчи, «Бухоро»;

Славко Лукич—ҳимоячи, «Земун» (Сербия);

Александр Касян — ҳужумчи, «Авангард» (Россия);

Иван Соловёв — ярим ҳимоячи, «Сочи» (Россия);

Абдужамол Исроилов — ярим ҳимоячи, «Нефтчи»;

Шаҳзод Шайманов — ярим ҳимоячи, «Металлург»;

Баҳодир Насимов — ҳужумчи, «Кешла» (Озарбайжон);

Элман Тагаев — ярим ҳимоячи, «Ахал» (Туркманистон);

Аббос Ғуломов — ярим ҳимоячи, «Шўртан»;

Ҳожиакбар Юнусов — ҳимоячи, «Навбаҳор» ёшлар жамоаси.

Футболчилар таништирувидан сўнг сўз олган жамоа бош мураббийи Андрей Канчельскис ва жамоа сардори Жаҳонгир Меҳмонов «Навбаҳор» клуби бу йил пешқадамлик учун астойдил кураш олиб боришига мухлисларни ишонтирди ва уларни жамоани доимо қўллаб-қувватлашга чақирди.

Маросимдан сўнг ассоциация, клуб раҳбарияти ҳамда ўйинчилар яқинда чим ётқизиш ишлари якунига етказилган «Марказий» стадиони майдони ҳолати билан танишди.